وزیر اعظم نریندر مودی نے گجرات کی پہلی امرت بھارت ایکسپریس ٹرین کو آج اوڈیشہ سے ورچول طریقے سے جھنڈی دکھا کر روانہ کیا۔ اِس موقع پر ریلوے کے مرکزی وزیر اشونی ویشنو اور جل شکتی کے مرکزی وزیر سی آر پاٹِل، اُدھنا ریلوے اسٹیشن پر موجود تھے۔ یہ جدید ترین، بنا AC والی سلیپر ٹرین، سورت کے اُدھنا اور اوڈیشہ کے برہماپور کے درمیان چلے گی۔ جدید ترین سہولتوں سے آراستہ یہ ٹرین مغربی بھارت اور اوڈیشہ کے درمیان تیز تر سفر کو ممکن بنائے گی، جو آسان اور کفایتی ہوگا۔ اِس امرت بھارت ٹرین سے خاص طور پر مزدوروں، طلباء اور تاجروں کو فائدہ ہوگا، ساتھ ہی عیقدتمندوں اور سیاحوں کے لیے آسان سفر بھی ممکن ہو پائے گا۔ اِس سیدھے ریل رابطے کے ذریعے مقامی کاروبار اور سماجی سرگرمیوں میں فروغ کی بھی امید ہے۔ اپنے دورے کے دوران جناب ویشنو نے بُلیٹ ٹرین اسٹیشن کا بھی معائنہ کیا۔