وزیرِ اعظم نریندر مودی کَل اروناچل پردیش اور تریپورہ کے دورے پر جائیں گے۔ جناب مودی پانچ ہزار 100 کروڑ روپے سے زیادہ مالیت کے کئی ترقیاتی پروجیکٹوں کا افتتاح کریں گے۔
اروناچل پردیش میں وزیرِ اعظم تین ہزار 700 کروڑ روپے سے زیادہ مالیت کے دو بڑے پن بجلی پروجیکٹوں کا سنگِ بنیاد رکھیں گے۔ تریپورہ میں جناب مودی ماتا باڑی میں، ”ماتا تریپورہ سُندری ٹیمپل کمپلیکس“ کے ترقیاتی کام کا آغاز کریں گے۔ روحانی وراثت کو فروغ دینے کی مہم کی اسکیم کے تحت، اِس کی شروعات کی جارہی ہے۔