وزیرِ اعظم نریندر مودی کَل اتراکھنڈ کی تاسیس کے سِلور جوبلی تقریبات کے ایک پروگرام میں شرکت کیلئے دہرہ دون کا دورہ کریں گے۔ اپنے دورے کے دوران وزیرِ اعظم اِس موقع پر ایک ڈاک ٹکٹ جاری کریں گے اور مجمع سے خطاب کریں گے۔ جناب مودی 8 ہزار کروڑ روپے سے زیادہ کے ترقیاتی پروجیکٹوں کا افتتاح بھی کریں گے۔ پینے کے پانی، سینچائی، تکنیکی تعلیمی، توانائی، شہری ترقی، اسپورٹس اور ہنرمندی کے شعبے سمیت کئی شعبوں میں یہ پروجیکٹ شروع کئے جائیں گے۔ وزیرِ اعظم ”پردھان منتری فصل بیمہ یوجنا“ کے تحت 28 ہزار کسانوں کے کھاتوں میں 62 کروڑ روپے کی براہ راست منتقلی کو بھی جاری کریں گے۔