وزیرِ اعظم نریندر مودی نے دارجلنگ میں ایک پُل کے گرنے سے لوگوں کی موت ہونے پر دُکھ کا اظہار کیا ہے۔ اپنے پیغام میں جناب مودی نے مرنے والوں کے لواحقین سے تعزیت کا اظہار کیا ہے اور زخمیوں کی جلد صحتیابی کی دعا کی ہے۔ جناب مودی نے بتایا کہ شدید بارش اور چٹانوں کے ٹکڑے گرنے کے واقعات کے تناظر میں دارجلنگ اور آس پاس کے علاقوں میں صورتحال کی قریبی نگرانی کی جارہی ہے۔ وزیرِ اعظم نے متاثرہ لوگوں کو ہر ممکن امداد فراہم کرنے کا عہد کیا ہے۔