وزیراعظم نریندر مودی 30 مارچ کو آکاشوانی پر ’من کی بات‘ پروگرام میں ملک اور بیرون ملک کے لوگوں کے ساتھ اپنے خیالات کا اظہار کریں گے۔ لوگ ٹول فری نمبر: ایک آٹھ، صفر صفر، ایک ایک، سات آٹھ، صفر صفر کے ذریعہ پروگرام کیلئے اپنی رائے اور تجاویز بھیج سکتے ہیں۔ لوگ نریندر مودی ایپ یا MyGov اوپن فارم کے ذریعہ آن لائن بھی اپنی رائے بھیج سکتے ہیں۔ آئندہ نشریئے کیلئے پروگرام کے سلسلے میں اس مہینے کی 28 تاریخ تک تجاویز قبول کی جائیں گی۔

یہ پروگرام آکاشوانی اور دور درشن، AIR نیوز ویب سائٹ اور نیوز آن AIR موبائل ایپ کے تمام تر نیٹ ورک پر نشر کیا جائے گا۔ اسے AIR نیوز، DD نیوز، PMO اور اطلاعات ونشریات کی وزارت کے یوٹیوب چینلوں پر بھی براہ راست نشر کیا جائے گا۔ ہندی نشریئے کے فوراً بعد آکاشوانی اس پروگرام کو علاقائی زبانوں میں نشر کرے گا۔×