وزیراعظم نریندر مودی کَل    Svamitva اسکیم کے تحت 58 لاکھ سے زیادہ جائیداد کے کارڈس تقسیم کریں گے۔ جناب مودی، پروگرام کے دوران اسکیم کے مستفدین سے بھی بات چیت کریں گے۔ اِس اسکیم کے تحت گاؤں میں یا آبادی والے علاقوں میں ہر جائیداد کے مالک کو حقوق عطا کیے جائیں گے۔

پنچایتی راج کی وزارت نے بتایا ہے کہ   Svamitva اسکیم زمین مالکان کو ملکیت کا ایک ثبوت فراہم کرے گی جسے اپنی جائیدادوں کے مونیٹائزیشن کے ذریعے کریڈٹ حاصل کرنے کے لیے استعمال کیا جا سکتا ہے۔

نئی دلی میں میڈیا سے بات چیت کرتے ہوئے پنچایتی راج کے سکریٹری وویک بھاردواج نے بتایا کہ اس اسکیم کے تحت Drone کے ذریعے تقریباً تین لاکھ 17 ہزار گاوؤں کا جائزہ لیا گیا ہے اور ایک لاکھ 37 ہزار کروڑ مربع میٹر رہائشی زمین کا نقشہ تیار کیا گیا ہے۔

انھوں نے مزید کہا کہ اب تک تقریباً دو کروڑ جائیداد سے متعلق کارڈس تیار کیے جا چکے ہیں، جو اسکیم کو اختیار کیے جانے میں ایک اہم سنگِ میل ہے۔