9 روزہ نوراتری کا تہوار آج سے شروع ہوگیا ہے۔ نوراتری دیوی دُرگا اور اُن کے 9 اَوتاروں کی پوجا ارچنا کیلئے وقف ہے۔ سنسکرت میں نوراتری کا مطلب ہے 9 راتیں۔ اِسے Navdurga کے نام سے بھی جانا جاتا ہے۔ 

نوراتری کا تہوار دسہرے کے ساتھ اختتام پذیر ہوگا، جو راوَن پر بھگوان رام کی فتح کی علامت ہے۔

وزیر اعظم نریندر مودی نے نَوراتری کے موقع پر لوگوں کو مبارکباد دی ہے۔ ایک سوشل میڈیا پوسٹ پر جناب مودی نے امید ظاہر کی ہے کہ ہمت، صبر وتحمل اور عزم سے پُر، یہ پوِتر تہوار ہر ایک کی زندگی میں نئی قوت اور نیا اعتماد لائے گا۔

جناب مودی نے کہا کہ اِس مرتبہ نَوراتری کا شُبھ موقع بہت خاص ہے۔ انھوں نے کہا کہ اِس بار GST بچت اُتسو کے ساتھ ساتھ سودیشی کے منتر کو ایک نئی قوت ملے گی۔×