چناؤ کمیشن نے جگدیپ دھنکھڑ کے استعفے کے بعد نائب صدر کے عہدے کے انتخاب کا عمل شروع کر دیا ہے۔ وزارت داخلہ کی جانب سے کَل جناب دھنکھڑ کے استعفے کو نوٹیفائی کرنے کے بعد یہ انتخابی عمل شروع کیا گیا۔ پیر کے روز جگدیپ دھنکھڑ نے صحت کی وجوہات کا حوالہ دیتے ہوئے اپنے عہدے سے استعفیٰ دے دیا تھا۔ چناؤ کمیشن کے مطابق نائب صدر کے عہدے کا انتخاب، صدر اور نائب صدر کے انتخابات سے متعلق ایکٹ 1952 اور صدر اور نائب صدر کے انتخابات سے متعلق قواعد و ضوابط، 1974 کے مطابق کرایا جاتا ہے۔