وزارتِ دفاع نے بھارت ڈائنامکس لمٹیڈ کے ساتھ دو ہزار پچانوے کروڑ روپے سے زیادہ مالیت کے INVAR ٹینک شکن میزائلوں کی سرکاری خرید کے لیے ایک معاہدے پر دستخط کیے ہیں، تاکہ ٹی-90 ٹینکوں کی صلاحیت میں اضافہ کیا جا سکے۔ وزارت نے کہا کہ یہ سرکاری خرید، دفاع سے متعلق سرکاری اداروں کی موجودہ مہارت سے فائدہ اٹھاتے ہوئے بھارتی فوج کی عملی ضروریات کو پورا کرنے کی حکومت کی کوشش کو اجاگر کرتی ہے۔یہ اقدام گھریلو صنعتوں کے ذریعے اعلیٰ درجے کی ٹیکنالوجی کے فروغ کی سمت ایک قدم ہے، جو دفاع کے شعبے میں آتم نربھرتا کے ویژن کے عین مطابق ہے۔بھارتی دفاعی ساز و سامان خریدنے کے زمرے کے تحت وزارتِ دفاع کے سینئر حکام اور بھارت ڈائنامکس لمٹیڈ کے نمائندوں نے سکریٹری دفاع راجیش کمار سنگھ کی موجودگی میں، آج نئی دلّی میں اِس معاہدے پر دستخط کیے۔وزارت دفاع نے مزید کہا کہ یہ اسلحہ نظام ایک جدید لیزر گائیڈڈ ٹینک شکن میزائل ہے جس کی درست نشانے پر لگنے کی صلاحیت انتہائی زیادہ ہے۔