وزارتِ خارجہ نے سبھی بھارتی شہریوں کو سختی سے خبردار کیا ہے کہ وہ ایران میں، روزگار کے وعدوں یا پیشکش کے سلسلے میں سخت چوکسی برتیں۔ ایک بیان میں وزارت نے کہا کہ حال ہی میں ایسے بہت سے معاملات ہوئے ہیں، جن میں ایران میں روزگار کے جھوٹے وعدے کیے گئے یا یہ یقین دہانی کرائی گئی کہ اُنہیں روزگار کے لیے کسی تیسرے ملک بھیج دیا جائے گا۔ لیکن ایران پہنچنے پر اِن بھارتی شہریوں کو مجرم گروپوں نے اغوا کر لیا اور اِن کی رہائی کے لیے اِن کے کنبوں سے تاوان مانگا گیا۔

وزارت نے کہا کہ ایران کی حکومت، بھارتیوں کو صرف سیاحت کے مقصد سے، ویزا کے بغیر داخلہ دیتی ہے۔ وزارت نے کہا کہ اگر کوئی بھی ایجنٹ روزگار یا دیگر مقصد کے لیے ایران میں ویزا کے بغیر داخلے کا وعدہ کرتا ہے، اُس کا تعلق مجرموں کے گروپ سے ہو سکتا ہے۔

وزارت نے بھارتی شہریوں کو مشورہ دیا ہے کہ وہ اِس طرح کی پیشکش کا شکار نہ بنیں۔×