ناسا نے چاند کیلئے اپنا نیا طاقت ور راکٹ لانچ پیڈ پر منتقل کردیا ہے۔ وہ 50 سال سے زیادہ عرصے میں پہلی بار عملے کے ساتھ چاند کی گردش کی تیاری کر رہا ہے۔ 322 فٹ کا اسپیس لانچ سسٹم راکٹ کو Kennedy اسپیس سنٹر سے باہر لایا گیا جس میں پورا دن صرف ہوگیا۔ ناسا کے ہزاروں کارکن اور ان کی فیملی کے افراد اس تاریخی لمحے کو دیکھنے کیلئے جمع ہوئے۔
یہ مشن چار خلا بازوں کو چاند کے مدار میں لے جائے گا اور وہ 10 دن کے سفر کے بعد واپس آئیں گے۔ یہ پرواز غالباً فروری میں عمل میں آئے گی۔ عملے میں ناسا کے تین خلا باز Reid Wisemain، Victor Glover اور Christina Koch اور کناڈا کے ایک خلا باز Jeremy Hansen شامل ہیں۔
