نائیجیریا کے شمالی Zamfara ریاست میں مسلح اغواء کاروں نے ایک گاؤں سے اغواء کئے گئے 38 لوگوں کو تاوان کی ادائیگی کے باوجود قتل کردیا ہے۔ مقامی حکومت کے چیئرمین Manniru Haidara Kaura نے کہا کہ ہلاک ہونے والوں میں زیادہ تر نوجوان ہیں۔ بندوق برداروں نے 56 گاؤوں والوں کو اغواء کرنے کے بعد، ان میں سے ہر شخص کے بدلے ایک ملین Naira کا مطالبہ کیا تھا۔ ہفتے کے روز ان میں سے صرف 17 سے 18 خواتین اور ایک بچے کو ہی آزاد کرایا جاسکا۔ اس میں سے 16 لوگ اسپتال میں زیرِ علاج ہیں۔ ہلاک کئے گئے 38 لوگوں کی لاشوں کے واپس ملنے کا امکان نہیں ہے کیونکہ یہ گروہ بمشکل ہی متاثرین کی لاشوں کو واپس کرتا ہے۔