نائب صدر جمہوریہ سی پی رادھاکرشنن سیشلز کے دو روزہ دورے پر روانہ ہوگئے ہیں۔ وہ سیشلز کے نو منتخب صدر   ڈاکٹر پیٹرک Herminie کی حلف برداری کی تقریب میں شرکت کریں گے۔ وزارتِ خارجہ نے ایک بیان میں کہا ہے کہ جناب رادھاکرشنن، ڈاکٹر ہرمنی کو بھارت کی جانب سے مبارکباد پیش کریں گے اور دونوں ممالک کے درمیان قریبی، دیرینہ اور وقت کی کسوٹی پر کھرے اترے تعلقات کو مزید مستحکم کریں گے۔ سیشلز، بھارت کے مہاساگر نظریے کے تحت ایک اہم ساجھے دار ملک ہے۔ ان کا یہ دورہ اس بات کی عکاسی کرتا ہے کہ بھارت، سیشلز کے ساتھ اپنی ساجھے داری کو مزید مستحکم اور وسیع کرنے کیلئے پُرعزم ہے۔