بھارت نے امریکہ کے صدر ڈونلڈ ٹرمپ کے ذریعہ یکم اگست سے دو طرفہ تجارت میں بھارت پر 25 فیصد محصول عائد کرنے کے بیان کو سنجیدگی سے لیا ہے۔ آج کامرس اور صنعت کی وزارت کی جانب سے جاری ایک بیان میں کہا گیا ہے کہ حکومت اس بیان کے مضمرات کا جائزہ لے رہی ہے۔ وزارت نے مزید کہا کہ حکومت، قومی مفاد کے تحفظ کی خاطر ہر ممکن اقدام اٹھائے گی جیساکہ دیگر تجارتی معاہدوں کے معاملے میں ہوتا آیا ہے، جن میں برطانیہ کے ساتھ ہوا حالیہ جامع اقتصادی اور تجارتی معاہدہ شامل ہے۔ وزارت نے کہا کہ بھارت اور امریکہ ایک منصفانہ متوازن اور باہمی مفاد پر مبنی دو طرفہ تجارتی معاہدے کو شکل دینے کیلئے گذشتہ کئی مہینوں سے مذاکرات کررہے ہیں۔ x