بھارت کے پیرا ایتھلیٹس نے نئی دلّی میں ورلڈ پیرا ایتھلیٹکس چمپئن شپ میں اب تک کے سب سے زیادہ تمغے جیتنے کو یقینی بنا لیا ہے۔ یہ چمپئن شپ آج ختم ہورہی ہے۔ بھارت نے اب تک سونے کے چھ تمغوں سمیت 18 تمغے جیتے ہیں۔ ایکتا Bhayan نے کَل بھارت کیلئے 18واں تمغہ جیتا۔ پیرالمپکس میں سونے کا تمغہ جیتنے والے Navdeep آج اپنی کارکردگی کا مظاہرہ کریں گے۔
نئی دلّی کے جواہر لال نہرو اسٹیڈیم میں جاری اِن مقابلوں کے آج آخری دن بھارت سات تمغے جیت سکتا ہے۔ پیرا ایتھلیٹکس عالمی چمپئن شپ میں بھارت کی یہ بہترین کارکردگی ہے۔ جاپان کے Kobe میں 2024 کی چمپئن شپ میں بھارت نے 17 تمغے حاصل کئے تھے۔