میانما اور تھائی لینڈ میں آج سہ پہر سات اعشاریہ سات شدت کا زلزلہ آیا۔ بینکاک میں کم از کم تین افراد مارے گئے اور ایک زیرِ تعمیر بلند عمارت ڈھہ گئی۔ زلزلے کا مرکز میانما میں Mandalay کے مقام پر بتایا گیا ہے۔ اس کے بعد چھ اعشاریہ چار شدت کے زلزلے کے جھٹکے بھی محسوس کئے گئے۔ میانما کی فوجی سرکار نے چھ خطوں میں ایمرجنسی کا اعلان کردیا ہے۔ اُدھر بینکاک میں زلزلے کے بعد 90 افراد لاپتہ بتائے گئے ہیں۔ بینکاک میں زلزلے کے بعد بڑے پیمانے پر دہشت پھیل گئی اور عمارتیں لرز اٹھیں۔ لوگ اپنے دفاتر، شاپنگ مالز اور اپارٹمنٹس سے باہر نکل آئے۔

تھائی لینڈ کی وزیر اعظم Paetongtarn Shinawatra نے زلزلے کے اثرات کا جائزہ لینے کیلئے ایک ایمرجنسی میٹنگ طلب کی۔

میانما میں زلزلے سے Mandalay کے مقام پر تاریخی اہمیت کے حامل مقامات کو نقصان پہنچا اور Sagaing میں ایک 90 سال پرانا پُل گِر گیا۔

اُدھر چین میں Yunnan اور Shichuan صوبوں میں زلزلے سے کچھ لوگ زخمی ہوگئے اور املاک کو نقصان پہنچا۔x