مہاراشٹر میں کارکن Manoj Jarange Patil نے ممبئی کے آزاد میدان میں اپنی پانچ روزہ بھوک ہڑتال اور احتجاج ختم کردیا ہے۔ مہاراشٹر حکومت کی جانب سے اُن کے اہم مطالبات کو قبول کئے جانے کے بعد، انھوں نے ایسا کیا ہے۔ مراٹھا کوٹے سے متعلق ذیلی کمیٹی کے سربراہ رادھا کرشنا Vikhe Patil کی قیادت میں ایک وفد نے جناب پاٹل سے ملاقات کی اور اُنھیں حکومت کی قرارداد سے آگاہ کیا۔ حکومت کی ایک قرارداد حیدرآباد گزٹ کو نافذ کرتی ہے جس کے تحت مراٹھواڑہ میں مراٹھیوں کی Kunbis کے طور پر نشاندہی کی اجازت ہے جس سے وہ OBC ریزرویشن کے اہل ہوتے ہیں۔ ایک متعلقہ کمیٹی کاغذات کی جانچ پڑتال کرے گی اور 90 دنوں کے اندر Kunbi سرٹیفکیٹس جاری کرے گی۔ حکومت کی دوسری قرارداد مالی مدد اور کوٹا سے متعلق احتجاج کے دوران جو لوگ ہلاک ہوگئے اُن کے کنبوں کو نوکریاں فراہم کرنے اور احتجاج کرنے والوں کے خلاف سبھی قانونی مقدمات ایک مہینے کے اندر ختم کرنے کو یقینی بنائے گی۔ حکومت نے اِس بات پر زور دیا ہے کہ تصدیق کا عمل شفاف، مقررہ مدت پر مبنی ہوگا اور اس میں مقامی اہلکار شامل ہوں گے۔