مغربی بنگال سرکار نے ووٹر لسٹ میں بے ضابطگیوں کیلئے پانچ افسران کے خلاف تادیبی کارروائی کی ہے۔ دو WBCS افسران سمیت چار افسران کو معطل کردیا گیا ہے۔ ریاستی سکریٹیریٹ Nabanna کے انتظامیہ کے ذرائع کے مطابق ایک کنٹریچوئل ڈاٹا انٹری آپریٹر کو معطل کرنے کے علاوہ، اُس کے خلاف ایک FIR بھی درج کی گئی ہے۔ اُن کے خلاف یہ تادیبی کارروائی انتخابی کمیشن کے حکم پر کی گئی ہے۔ البتہ کمیشن کے احکامات کے مطابق تمام افسران کے خلاف FIRs درج نہیں کی گئی ہیں۔ یہ بات قابل ذکر ہے کہ ریاست کے چیف سکریٹری منوج پنت نے حال ہی میں دلّی میں کمیشن کی مکمل بینچ سے ملاقات کی تھی اور اِن حکام کے خلاف آج کے دن تک تادیبی کارروائی کرنے کا وعدہ کیا تھا۔