معروف ادیب اور گیان پیٹھ ایوارڈ یافتہ ونود کمار شُکل کا آج رائے پور میں انتقال ہوگیا۔ تقریباً 88 برس کے جناب شُکل گذشتہ کچھ روز سے ایمس رائے پور میں زیر علاج تھے۔ آج شام تقریباً پانچ بجے اُن کا انتقال ہوا۔ ونود کمار شُکل کو حال ہی میں سرکردہ گیان پیٹھ ایوارڈ سے نوازا گیا تھا۔ انھیں اُن کے ناول دیوار میں ایک کھڑکی کیلئے ساہتیہ اکیڈمی ایوارڈ سے بھی سرفراز کیا گیا تھا۔ جناب شُکل گذشتہ 50 برسوں سے سرگرمی کے ساتھ ادبی خدمات انجام دے رہے تھے۔