مرکز نے الیکٹرانک پرزوں کی مینوفیکچرنگ اسکیم کے تیسرے حصے کے تحت22 نئی تجاویز کو منظوری دی ہے، جس میں اندازاً 41 ہزار 863 کروڑ روپئے کی سرمایہ کاری شامل ہے۔ یہ تجاویز11 نشان زد مصنوعات کی مینوفیکچرنگ کا احاطہ کرتی ہیں جن میں موبائل مینوفیکچرنگ، ٹیلی کوم، صارفین کیلئے الیکٹرانکس، اہم ترین نوعیت کی الیکٹرانکس، آٹوموٹیو اور IT ہارڈویئر شامل ہیں۔ توقع ہے کہ اِن پروجیکٹوں سے دو لاکھ58 ہزار کروڑ روپئے کی مالیت کی پیداوار کا موقع ملے گا اور اِس سے تقریباً 34 ہزار براہِ راست روزگار کے مواقع پیدا ہوں گے۔ اِس موقع پر خطاب کرتے ہوئے الیکٹرانک اور اطلاعاتی ٹیکنالوجی کے وزیر اشونی ویشنو نے بتایا کہ بڑی اصلاحات پر عمل آوری اور کاموں کو انجام دینے میں تیزی لانا مودی حکومت کے اہم پیمانے ہیں۔