کل ایک بین وزارتی مرکزی ٹیم IMCT نے حالیہ شدید بارشوں اور مٹی کے تودے کھسکنے کے سبب ہوئے نقصان کا جائزہ لینے کے لیے جموں و کشمیر کے Reasi ضلعے کا دورہ کیا۔ مرکزی ٹیم نے کمیونٹی پر مبنی آفات سے نمٹنے کی تیاریوں اور اہم بنیادی ڈھانچے کی بحالی کو ترجیح دینے کی تجویز دی۔ ٹیم کی قیادت آفات کے بندوبست کی قومی اتھارٹی کے جوائنٹ سکریٹری کرنل کیرتی پرتاپ سنگھ نے کی۔ ٹیم نے متعدد متاثرہ مقامات کا معائنہ کیا، جس میں Domel-Katra ہائی وے چٹانیں کھسکنے کی زد میں ہے۔ Ballani پُل اور کٹرا میں Shani مندر کے نزدیک ایک اور متاثرہ مقام شامل ہے۔ ٹیم نے فصل کو ہوئے نقصان کا جائزہ لینے کے لیے کھیتوں کا بھی دورہ کیا اور کسانوں کی تشویشات کو بہتر طور پر سمجھنے کے لیے ان سے بات چیت کی۔
مرکزی ٹیم نے کٹرا میں Spritual Growth Centre میں ایک جائزہ میٹنگ میں شرکت کی، جہاں Reasi ڈپٹی کمشنر نِدھی ملِک نے انسانی و مویشیوں کے جانی نقصان، فصلوں، مقانات، سرکاری املاک اور کمیونٹی اثاثے کو ہوئے نقصان کی تفصیلات پیش کیں۔ حکام نے کہا کہ Mahor، Jameslan اور Sarh میں متاثرین کے لیے راحت کیمپ قائم کیے گئے ہیں، جہاں خوراک، رہنے کا انتظام، طبّی امداد اور دیگر لازمی اشیاء مہیا کی جا رہی ہیں۔×
