مرکزی وزیر کرن رجیجو نے کہا ہے کہ اس سہ ماہی میں مجموعی گھریلو پیداوار GDP میں سات اعشاریہ 8 فیصد کی شاندار ترقی سے یہ ثابت ہوگیا ہے کہ وزیر اعظم نریندر مودی کے علاوہ کوئی بھی معیشت کا انتظام بہتر طریقے سے نہیں چلا سکتا۔ نئی دلّی میں بھگوان برسا منڈا بھون میں برسا منڈا کے مجسمے کی نقاب کشائی کے بعد نامہ نگاروں سے بات کرتے ہوئے جناب رجیجو نے کہا کہ دنیا کے چوٹی کے معاشی امور کے ماہرین یہ کہہ رہے ہیں کہ وزیر اعظم بہترین طریقے سے بھارتی معیشت چلا رہے ہیں۔ انہوں نے کہا کہ بھارت کو خود کفیل بنانے کے لیے میک انڈیا کو فروغ دینا اور سودیشی اپنانا نہایت ضروری ہے۔×