زراعت اور کسانوں کی بہبود کے مرکزی وزیر شیو راج سنگھ چوہان نے آج قومی راجدھانی میں اِن دنوں جاری وکست کرشی سنکلپ ابھیان کے تحت دلّی کے کسانوں سے بات چیت کی۔ اپنی میٹنگ کے دوران وزیر موصوف نے سبسڈیز سے لے کر سپلائی چین تک کسانوں کو درپیش مختلف مسائل کو نوٹ کیا۔ انہوں نے کسانوں کو یقین دلایا کہ وہ ان کے مسائل دلّی سرکار کو پیش کریں گے اور اِس بات کا بھی یقین دلایا کہ مرکز کی سبھی اسکیموں پر مناسب طریقے سے عمل کیا جائے گا۔ انہوں نے اِس بات کا بھی ذکر کیا کہ حکومت کسانوں اور سائنسدانوں کے ساتھ مزید میٹنگیں کرے گی تاکہ کاشتکاری کیلئے نئی ٹیکنالوجیز کی وضع کی جاسکیں۔