مرکزی وزیر داخلہ امت شاہ نے آج واضح طور پر کہا ہے کہ وزیر اعظم نریندر مودی کی قیادت میں بھارت دہشت گردانہ حملوں کیلئے منھ توڑ جواب دے رہا ہے اور دنیا اِسے دیکھ کر حیرت زدہ اور پاکستان اِس سے خوف زدہ ہے۔ گاندھی نگر میونسپل کارپوریشن کے تحت 700 کروڑ روپئے کی مالیت کے ترقیاتی پروجیکٹوں کا افتتاح کرنے کے بعد گاندھی نگر میں ایک عوامی جلسے سے خطاب کرتے ہوئے جناب شاہ نے دہشت گردی کی کارروائیوں کے جواب میں بھارت کی مسلح افواج کی جانب سے کی گئی فیصلہ کن کارروائی کی ستائش کی۔ آپریشن سندور کا حوالہ دیتے ہوئے شاہ نے کہا کہ پہلگام دہشت گردانہ حملے کا بدلہ پاکستان میں واقع جیش محمد اور لشکر طیبہ جیسی تنظیموں کے دہشت گردانہ کیمپوں کو تباہ کرکے لیا گیا ہے۔
وزیر داخلہ نے بھارتی مسلح افواج کی مثالی حصولیابیوں کی ستائش کی اور دہشت گردی کے خلاف قطعی برداشت نہ کرنے کے حکومت کے موقف کا اعادہ کیا۔ انھوں نے کہا کہ اگر بھارتی شہریوں کے خلاف کوئی بھی دہشت گردانہ کارروائی کی گئی تو ہماری جوابی کارروائی دوگنی مضبوط ہوگی۔