مرکزی وزارت داخلہ کی اعلیٰ سطحی کمیٹی نے آج نئی دلّی میں لداخ کے لیڈروں سے مختلف معاملات پر بات چیت کی ہے۔ مرکز کے زیر انتظام علاقے میں پچھلے مہینے کے تشدد کے بعد اہم معاملوں پر یہ پہلی رسمی میٹنگ تھی۔ لداخ پر وزارت داخلہ کی اعلیٰ سطح کمیٹی نے Apex Body Leh اور کرگل جمہوری اتحاد کے ساتھ مذاکرات کی ہے۔

میٹنگ کے بعد کرگل جمہوری اتحاد کے ممبر سجاد حسین کارگلی نے کہا کہ پچھلے 6 برسوں سے اُن کا مطالبہ، لداخ میں جمہوریت لانا اور اِس کا واحد حل لداخ کو ریاست بنانا ہے۔ انہوں نے کہا کہ یہ معاملہ ایک یا دو میٹنگوں میں حل نہیں کیا جاسکتا ہے اور میٹنگ کا سلسلہ جاری ہے۔