مرکزی وزارتِ صحت نے مشورہ دیا ہے کہ دو سال سے کم عمر کے بچوں کیلئے سردی اور کھانسی کی دوائیاں نہ لکھی جائیں اور نہ انہیں دی جائیں۔ اپنی ایڈوائزری میں وزارت صحت نے کہا ہے کہ اس طرح کی دوائیاں عام طور پر پانچ سال سے کم عمر کے بچوں کیلئے تجویز نہیں کی جاتی ہیں اور اس سے زیادہ کی عمر کے بچوں کیلئے یہ دوائیاں بغور تشخیص اور سخت میڈیکل نگرانی میں ہی دی جانی چاہئے۔ وزارت نے سبھی ریاستوں اور مرکز کے زیرانتظام علاقوں کے صحت خدمات کے ڈائریکٹروں کو اس بارے میں خط لکھا ہے۔ یہ ایڈوائزری مدھیہ پردیش اور راجستھان میں کھانسی کی دوائی پینے کے بعد بچوں کی اموات کے پس منظر میں جاری کی گئی ہے۔×