وزارت داخلہ نے اُن وجوہات کا پتہ لگانے کے سلسلے میں جوڈیشئل انکوائری کا حکم دیا ہے جن کی وجہ سے لیہہ میں امن وقانون کی تشویشناک صورتحال پیدا ہوئی اور پولیس کارروائی کی ضرورت پیش آئی اور جس کے نتیجے میں چار افراد ہلاک ہوئے۔ پچھلے ماہ کی 24 تاریخ کو لیہہ قصبے میں امن وقانون کی تشویشناک صورتحال پیدا ہونے کے بعد یہ واقعہ ہوا تھا۔ جوڈیشئل انکوائری سپریم کورٹ کے سابق جج جسٹس بی ایس چوہان کریں گے۔ ریٹائرڈ ڈسٹرکٹ اور سیشن جج موہن سنگھ پریہار، جوڈیشئل سکریٹری اور تُشار آنند انتظامی سکریٹری کے طور پر اُن کی معاونت کریں گے۔