مردوں کی کرکٹ میں آج شام دبئی میں جاری T-20 ایشیا کپ ٹورنامنٹ میں گروپ اے کے میچ میں بھارت کا مقابلہ پاکستان سے ہوگا۔ یہ میچ رات 8 بجے شروع ہوگا۔

اس سال فروری کے بعد سے یہ پہلا موقع ہے کہ دونوں روایتی حریف ٹیمیں ایک دوسرے کے آمنے سامنے ہوں گی۔

دونوں ٹیموں نے متحدہ عرب امارات اور Oman کے خلاف میچ جیتے ہیں۔ بھارت نے بدھ کو دبئی میں متحدہ عرب امارات کو 9 رن سے ہرایا تھا اور جمعہ کو اسی میدان میں پاکستان نے Oman کو 93 رن سے شکست دی تھی۔

اسی دوران سری لنکا نے کل رات ابوظہبی میں اپنے گروپ کے میچ میں بنگلہ دیش کے خلاف 6 وکٹ سے جیت حاصل کی۔ بنگلہ دیش نے سری لنکا کو جیت کے لیے 140 رن کا نشانہ دیا تھا جسے اس نے14  اوورس اور چار گیندوں میں 4 وکٹ کھوکر حاصل کرلیا۔

اس سے پہلے بنگلہ دیش نے پہلے بلے بازی کرتے ہوئے مقررہ 20 اوورس میں 5 وکٹ پر 139 رن بنائے تھے۔ اس جیت سے سری لنکا کو تین پوائنٹ حاصل ہوئے جس سے گروپ بی میں اس کی پوزیشن مستحکم ہوگئی ہے۔x