بھارتی محکمۂ موسمیات نے کہا ہے کہ اگلے چار روز کے دوران وسطی اور متصل مشرقی بھارت میں، گنگا کے طاس والے مغربی بنگال کے جنوب مغربی اور اِس سے متصل علاقے میں ہوا کے کم دباؤ کا حلقہ بننے سے شدید سے شدید بارش کا سلسلہ جاری رہنے کا امکان ہے۔ موسمیات کے محکمے نے بتایا ہے کہ اگلے چار سے پانچ روز کے دوران شمال مغربی بھارت اور مغربی ساحل سے متصل علاقے میں شدید سے بہت شدید بارش کا سلسلہ جاری رہنے کا امکان ہے۔ ماہی گیروں کو مشورہ دیا گیا ہے کہ وہ وسطی اور اِس سے متصل شمالی ، جنوبی بحیرۂ عرب، شمالی بحیرۂ عرب اور گجرات، کونکن، گوا، کرناٹک ساحل اور اِس سے متصل علاقوں نیز صومالیہ کے ساحل اور اس سے متصل علاقوں، Oman اور یمن کے ساحل سے متصل سمندری علاقوں میں مچھلیاں پکڑنے نہ جائیں۔
اتراکھنڈ کے وزیرِ اعلیٰ پشکر سنگھ دھامی نے کہا ہے کہ بارش اور مٹی کے تودے کھسکنے سے متاثرہ ریاست کے سبھی علاقوں میں مسلسل امدادی کام انجام دیا جارہا ہے۔ انہوں نے کہا کہ اترکاشی ضلعے میں یمنوتری راستے پر Silai باندھ کے نزدیک بحالی کا کام جاری ہے، جہاں مٹی کے تودے کھسکنے کے ایک بڑے واقعے سے سڑک کو نقصان پہنچا تھا۔ مذکورہ مقام پر ایک عارضی پُل تعمیر کیا جارہا ہے اور توقع ہے کہ یہ اگلے کچھ روز میں کام کرنے لگے گا۔
بارش اور مٹی کے تودے کھسکنے کی وجہ سے پہاڑی اضلاع میں 50 سے زیادہ ، بند سڑکوں کو بھی پھر سے کھولا جارہا ہے۔ اِس دوران موسمیات کے محکمے نے اگلے 24 گھنٹے کے دوران مختلف اضلاع کے کچھ مقامات پر موسلادھار بارش کی وارننگ جاری کی ہے۔