روس پر یوکرین کے ڈرون حملوں کے تناظر میں ماسکو کے اہم ہوائی اڈّوں کو عارضی طور پر بند کر دیا گیا ہے، جس سے کم از کم 140 پروازیں منسوخ ہو گئی ہیں۔ روس کے میڈیا نے خبر دی ہے کہ ہوائی اڈوں کو بند کیے جانے سے ہزاروں مسافر پھس گئے اور اُنہیں ٹرمِنل کے فرش پر ہی سونے پر مجبور ہونا پڑا۔ روس کی وزارت دفاع نے دعویٰ کیا ہے کہ اُس نے رات بھر میں 117 ڈرونس کو مار گرایا ہے۔ اِن واقعات کے پیش نظر ملک بھر میں سفر کرنے والوں پر اثر پڑا ہے اور روس کے مشرقی حصے میں ہزاروں افراد پھس گئے ہیں۔ حکام نے اضافی ریل گاڑیوں کو مسافروں کے لیے تعینات کیا ہے تاکہ اُنہیں سینٹ پیٹرس برگ سے راجدھانی خطے واپس لایا جاسکے۔