عالمی سطح کی سافٹ ویئر کمپنی مائیکروسافٹ نے، بھارت میں 17 ارب 50 کروڑ امریکی ڈالر کا سرمایہ لگانے کا عزم کیا ہے، تاکہ ملک میں AI مستقبل کیلئے بنیادی ڈھانچے، ہُنرمندی اور آزادانہ صلاحیتوں کی تعمیر میں مدد دی جا سکے۔

مائیکروسافٹ کے CEO ستیہ نڈیلا نے ایک سوشل میڈیا پوسٹ میں یہ بات کہی ہے۔ اِس سے پہلے کَل انہوں نے وزیر اعظم نریندر مودی سے ملاقات کی تھی۔

انہوں نے سوشل میڈیا پر کہا کہ بھارت کے ارادوں کی حمایت کرنے کیلئے مائیکروسافٹ، ایشیاء میں ابھی تک کی سب سے بڑی سرمایہ کاری کا ارادہ کر رہی ہے۔ انہوں نے کہا کہ اِس عزم سے بھارت کے ”AI مقدم“ کے مستقبل کیلئے،  بنیادی ڈھانچے، ہُنرمندی اور آزادانہ صلاحیتوں کی تعمیر میں مدد ملے گی۔

مائیکروسافٹ نے ایک بیان میں کہا کہ کمپنی کا منصوبہ ہے کہ وہ اگلے 4 سال 2026 سے 2029 کے دوران، بھارت میں 17 ارب 50 کروڑ امریکی ڈالر کا سرمایہ لگائے، تاکہ AI کا، یہاں کی آبادی کے پیمانے پر استعمال شروع کیا جا سکے۔×