لوک سبھا نے Taxation قوانین ترمیمی بل 2025 اور انکم ٹیکس نمبر 2 بل 2025 کو زبانی ووٹ سے منظور کرلیا ہے۔ مرکزی وزیر خزانہ نرملا سیتارمن نے بہار میں ووٹر لسٹ پر خصوصی نظرثانی کے عمل اور دیگر معاملات پر اپوزیشن ارکان کے احتجاج کے درمیان یہ بل پیش کئے۔ انکم ٹیکس نمبر 2 بل 2025 کا مقصد انکم ٹیکس سے متعلق قانون کو مستحکم اور ترمیم کرنا ہے، جبکہ Taxation قوانین ترمیمی بل 2025 انکم ٹیکس ایکٹ 1961 میں مزید ترمیم کرے گا اور اس کے تحت مالی ایکٹ 2025 میں ترمیم ہوگی۔ جنوری 2014 سے حکومت نے کئی اصلاحات کی ہیں۔ انکم ٹیکس قانون میں بھی پچھلے 10 برسوں میں اصلاح ہوئی ہے، جس میں کارپوریٹ ٹیکس اصلاحات، پرسنل انکم ٹیکس اصلاحات، Capital Gains کے ٹیکسیشن میں اصلاحات شامل ہیں۔

ٹیکس انتظامیہ کو مزید مؤثر، شفاف اور ٹیکس دہندگان کے موافق بنایا گیا ہے۔×