قوم آج عظیم انقلابی، شہید اُدھم سنگھ کو اُن کے 86 ویں یوم شہادت پر خراجِ عقیدت پیش کر رہی ہے۔ غدر پارٹی اور ہندوستان سوشلسٹ رپبلک اسوسی ایشن، HSRA سے تعلق رکھنے والے اُدھم سنگھ نے 13 مارچ 1940 کو اُس وقت کے برٹش پنجاب کے سابق لیفٹننٹ گورنر مائیکل او ڈائر کو قتل کر دیا تھا۔ اِس طرح انہوں نے سال 1919 کے امرتسر کے جلیان والا باغ قتل عام کا بدلہ لیا تھا۔

جلیان والا باغ قتل عام کی تکلیف دہ یادوں نے   اُدھم سنگھ کا تب تک پیچھا کیا، جب تک انہوں نے مائیکل او ڈائر کو لندن کے Caxton Hall میں گولی مار کر قتل نہیں کر دیا۔

حراست کے دوران اُدھم سنگھ نے اپنے نو آبادیاتی مخالف جزبے اور بھارت کے 3 بڑے مزاہب کی نمائندگی کرنے والے نام، رام محمد سنگھ آزاد کا استعمال کیا۔ انہیں قتل کا قصور وار قرار دیا گیا اور آج ہی کے دن سال 1940 میں پھانسی کی سزا دے دی گئی۔

اِس عظیم انقلابی مجاہد کے یومِ شہادت کے موقع پر اُن کی جائے پیدائش Sunam میں آج ریاستی سطح کی تقریب کا انعقاد کیا جائے گا۔

پنجاب حکومت نے اِس عظیم انقلابی کے یومِ شہادت پر اختیاری تعطیل کی بجائے سرکاری تعطیل کا اعلان کیا ہے۔

پنجاب حکومت نے بھوانی گڑھ-Sunam-Bhikhi -Kotshamir سڑک کو شہید اُدھم سنگھ مارگ نام دینے کا بھی فیصلہ کیا ہے۔