قومی شاہراہوں سے متعلق بھارتی اتھارٹی NHAI نے قومی شاہراہوں پر ٹیلی مواصلات پر مبنی سیفٹی الرٹ سسٹمز نصب کرنے کیلئے ریلائنس Jio کے ساتھ ایک سمجھوتے پر دستخط کیے ہیں۔ سڑک ٹرانسپورٹ اور شاہراہوں کی وزارت نے کہا ہے کہ اِس اقدام کا مقصد شاہراہوں پر مسافروں کو بروقت معلومات فراہم کرکے سڑکوں کی حفاظت کو مضبوط بنانا ہے، تاکہ وہ پیشگی طور پر اپنی رفتار اور ڈرائیونگ کے انداز میں مناسب تبدیلی کرسکیں۔

اِس کے تحت مسافروں کو اپنے موبائل فون پر SMS، واٹس ایپ اور اہمیت کے حامل کالز کے ذریعے پیشگی وارننگز موصول ہوں گی۔

اِس نظام کو مرحلہ وار NHAI کے ڈیجیٹل پلیٹ فارمز، جن میں راج مارگ یاترا موبائل ایپلی کیشن اور ایمرجنسی ہیلپ لائن 1033 شامل ہیں، کے ساتھ مربوط کیا جائے گا۔ یہ خودکار نظام قومی شاہراہوں پر یا ان کے قریب رہنے والے Jio کے تمام موبائل صارفین کیلئے کام کرے گا اور خطرناک زون میں داخل ہونے سے پہلے مسافروں کو بروقت وارننگ فراہم کرے گا۔×