قومی راجدھانی دلّی میں فضائی آلودگی پر قابو پانے کے لیے اس ماہ کی 28 اور 30 تاریخ کے درمیان کلاؤڈ سیڈنگ کے ذریعے مصنوعی بارش برسائی جائے گی۔ دلّی کی وزیر اعلیٰ ریکھا گپتا نے کہا ہے کہ کلاؤڈ سیڈنگ کے ذریعے مصنوعی بارش برسانے کی تمام تیاریاں مکمل کر لی گئی ہیں، جو راجدھانی دلّی کی فضائی آلودگی کے خلاف جنگ میں ایک تکنیکی سنگ میل کی حیثیت رکھتی ہے۔
دلّی کے وزیر ماحولیات منجندر سنگھ سرسا نے کہا ہے کہ مصنوعی بارش برسانے کے لیے ہوائی جہاز سے لے کر موسمیاتی اور ماحولیاتی نگرانی تک تمام انتظامات مکمل کر لیے گئے ہیں۔
