قطر کے وزیر اعظم شیخ محمد بن عبدالرحمن بن جاسم الثانی نے دوحہ میں اسرائیل کے ہلاکت خیز فضائی حملے کے بعد اسرائیل کے وزیر اعظم بنیامن نیتن یاہو کو ریاستی دہشت گردی کی پاداش میں انصاف کے کٹہرے میں کھڑا کرنے کی بات کہی ہے۔ قطر کی وزارتِ خارجہ نے کہا ہے کہ نیتن یاہو کے بیانات کے باوجود قطر خطّے میں اور اس سے باہر ایک بھروسے مند اور غیر جانب دار ثالث کا رول ادا کرنا جاری رکھے گا۔ اسرائیل کی فورسز نے کل غزہ پٹی میں بمباری جاری رکھی، جس میں 70 سے زیادہ لوگ ہلاک ہوئے۔ اِدھر اس نے یمن میں بھی حملے کیے ہیں، جس میں کم سے کم 35 افراد ہلاک ہوئے ہیں۔ انسانی امداد اور انسانی حقوق کی تنظیم اسرائیل کی طرف سے جبراً انخلا کے حکم پر خطرہ ظاہر کیا ہے، جس میں 10 لاکھ لوگوں کو غزہ شہر کو چھوڑنے کا حکم دیا گیا ہے۔×