قبائلی قیام گاہوں اور دیہی برادریوں کی ضرورتوں کو پورا کرنے کیلئے پردھان منتری جن جاتیہ اُنّت گرام ابھیان کے تحت 17 کروڑ روپے سے زیادہ کی معاشی مدد منظور کی گئی ہے۔ سیاحت اور ثقافت کے وزیر گجیندر سنگھ شیخاوت نے آج لوک سبھا میں اپنے تحریر جواب میں یہ اطلاع دی۔ انہوں نے بتایا کہ یہ اسکیم، قیام گاہوں کو ڈیویلپ کرتے ہوئے قبائلی برادریوں کیلئے اُن کے علاقوں میں ذمہ دار سیاحت اور گذر بسر کے مزید مواقع پیدا کرنے پر مرکوز ہے۔ جناب شیخاوت نے مزید بتایا کہ یہ اسکیم، دیہی برادریوں کی ضرورتوں کیلئے 5 لاکھ روپے تک کی معاشی مدد فراہم کرنے پر مرکوز ہے۔ ساتھ ہی اِس اسکیم کے تحت ہر کنبے کو دو نئے کمرے تعمیر کرنے کیلئے 5 لاکھ روپے تک اور موجودہ کمروں کی تزئینِ نو کیلئے 3 لاکھ روپے تک کی مدد دی جاتی ہے۔