بحریہ کے سربراہ ایڈمیرل K Tripathi، فضائیہ کے سربراہ ایئرچیف مارشل اے پی سنگھ اور فوج کے سربراہ جنرل اوپیندر دیویدی نے مشترکہ کارروائی کے بارے میں آج نئی دلّی میں فوج کے اعلیٰ افسروں کو خطاب کیا۔ اِس موقع پر تینوں سربراہوں نے اپنی کارروائیوں اور سرگرمیوں میں تال میل کے عہد کو دوہرایا۔ فوج کے مطابق تقریر میں مشترکہ کارروائی کی منصوبہ سازی، بحری اور فضائی کارروائیوں کے دوران تال میل کی ضرورت کو اجاگر کیا گیا۔