عالمی بینک نے مالی سال 2025-26  کے دوران بھارت کی اقتصادی شرح ترقی چھ اعشاریہ تین فیصد رہنے کا اندازہ لگایا ہے اور کہا ہے کہ دنیا کی سب سے بڑی معیشتوں میں بھارت کی شرح ترقی بدستور سب سے تیز رہنے کی امید ہے۔

عالمی اقتصادی امکانات کے بارے میں عالمی بینک کی تازہ رپورٹ کے مطابق صنعتی پیداوار کی رفتار کم ہونے کی وجہ سے مالی سال 2024-25 میں بھارت کی شرح ترقی اعتدال پر رہی۔ البتہ تعمیرات اور خدمات کے شعبے میں ترقی میں لگاتار اضافہ ہوتا رہا اور زرعی پیداوار میں بھی شدید خشک سالی کے حالات کے بعد بحالی آئی ہے اور دیہی علاقوں میں مانگ بڑھنے سے اِس میں مدد ملی ہے۔ x