کانگریس کی جانب سے منظور کی گئی قرارداد پر امریکی صدر ڈونلڈ ٹرمپ کی دستخط کے بعد امریکی تاریخ کا سب سے بڑا شَٹ ڈاؤن ختم ہوگیا ہے۔ اِس قرارداد کے ذریعے وفاقی کارروائیوں کی مالی اعانت کی راہ ہموار ہوگئی ہے۔ ریپبلکن اور ڈیموکریٹ قانون سازوں کے درمیان 43 دن سے جاری تعطل، کَل اُس وقت ختم ہوگیا، جب ایوانِ نمائندگان نے سینیٹ کی جانب سے پاس کی گئی قرارداد کو منظوری دی۔ اِس تعطل کی وجہ سے حکومت مفلوج ہوکر رہ گئی تھی۔ یہ ڈیموکریٹ قانون سازوں کیلئے جھٹکا ہے، جو سابق صدر براک اوباما کی مدت کے دوران منظور کیے گئے صحت بیمہ پروگرام، اوباما کئیر کے تحت سبسڈیز  فراہم کرنے کا مطالبہ کررہے تھے۔ ایک بیان میں صدر ٹرمپ نے کہا ہے کہ شَٹ ڈاؤن کی وجہ سے 43 دنوں تک لوگوں کے بری طرح متاثر ہونے کے بعد، اب معمول کا حکومتی کام کاج بحال ہو جائے گا۔