آج یروشلم میں اسرائیل کی پارلیمنٹ The Knesset سے خطاب کرتے ہوئے امریکی صدر ٹرمپ نے اسرائیل کے 20 زندہ یرغمالیوں کی واپسی کا خیرمقدم کیا اور اِسے مغربی ایشیا خطے کیلئے نئے دور کا آغاز قرار دیا۔ اس موقع پر اسرائیل کے وزیرِ اعظم بنیامن نیتن یاہو نے امریکی صدر ٹرمپ کو اسرائیل کا سب سے بڑا اتحادی قرار دیا۔صدر ٹرمپ اسرائیل سے شرم الشیخ میں صدر عبدالفتاح السیسی کے ساتھ غزہ امن اجلاس کی مشترکہ صدارت کرنے کیلئے مصر پہنچ گئے ہیں۔ اس اجلاس میں 20 سے زیادہ ملکوں کے رہنما بھی شامل ہوں گے۔ البتہ اسرائیل کے وزیر اعظم مصر میں غزہ امن اجلاس میں شرکت نہیں کریں گے۔