صدر جمہوریہ دروپدی مرمو نے روس کے صدر ولادیمیر پتن کے اعزاز میں کل شام ایک ضیافت کا اہتمام کیا۔ انہوں نے کہا کہ اُن کا یہ دورہ دونوں ملکوں کے درمیان اہم تعلقات میں ایک خاص سنگِ میل ہے، کیونکہ یہ دورہ بھارت-روس اہم شراکت داری کے 25 سال پورے ہونے کے موقعے پر کیا جا رہا ہے۔

صدر مرمو نے بھارت-روس خصوصی اور اہم شراکت داری کے تئیں صدر پتن کی حمایت اور ذاتی عزم کو سراہا۔

صدر جمہوریہ نے کہا کہ اس شراکت داری کی رہنمائی امن، استحکام اور باہمی سماجی و اقتصادی نیز ٹکنالوجی کی ترقی کے ایک مشترکہ عزم سے ہوتی ہے۔

صدر مرمو نے یہ بھی کہا کہ 2025 کا سال بھارت-روس کثیر پہلو شراکت داری کیلئے خاص طور پر ثمرآور ہے، جس میں کئی میدانوں میں خاطر خواہ ترقی ہوئی ہے، جس میں اعلیٰ سطح کے سیاسی تبادلے، تجارت و معیشت، دفاع، سوِل نیوکلیائی تعاون، خلا، سائنس و ٹکناولوجی اور عوام سے عوام کے درمیان تبادلے شامل ہیں۔×