صدر جمہوریہ دروپدی مرمو آج نئی دلّی میں ہتھ کرگھے کے 11 ویں قومی دن کی تقریب کی صدارت کریں گی۔ ٹیکسٹائل کی وزارت کے زیرِ اہتمام منعقدہ اِس تقریب کا مقصد بھارت کے  ہینڈلوم کے درخشاں شعبے نیز دیہی معیشت اور ثقافتی شناخت میں اِس کے تعاون کو خراجِ تحسین پیش کرنا ہے۔ اِس تقریب میں ملک بھر سے تقریباً 650 بنکر، غیر ملکی خریدار، ممتاز شخصیات، برآمدکار اور اعلیٰ سرکاری عہدیداران شرکت کریں گے۔

اِس تقریب میں ان ممتاز بنکروں کو ”سنت کبیر ہینڈلوم ایوارڈ“ اور ”قومی ہینڈلوم ایوارڈ“ جیسے باوقار اعزازات بھی دیے جائیں گے، جنہوں نے اِس شعبے کی ترقی میں نمایاں خدمات انجام دی ہیں۔

سنت کبیر ایوارڈ کے تحت ساڑھے 3 لاکھ روپے کا نقد انعام دیا جاتا ہے، جبکہ قومی ہینڈلوم ایوارڈ کے تحت 2 لاکھ روپے کی نقد رقم دی جاتی ہے۔×