صحت کے مرکزی وزیر جے پی نڈّا نے کہا ہے کہ پورے ملک کو بہادر سپاہیوں کی قربانیوں اور وقف کرنے کے اُن کے جذبے پر فخر ہے۔ جناب نڈّا نے آج سرحدی ضلع اتراکھنڈ کے پتھورا گڑھ میں فوج، ITBP اور SSB کے سپاہیوں سے ملاقات کی اور آپریشن سندور کی کامیابی کیلئے اُن کا شکریہ ادا کیا۔ ملاقات کے دوران انھوں نے سرحد کی دفاع کیلئے موجود ہتھیاروں، سازوسامان اور دوسرے دفاعی وسائل کی جانکاری حاصل کی۔مرکزی وزیر پتھورا گڑھ کے دو روزہ دورے پر ہیں۔ پتھورا گڑھ کے ضلع مجسٹریٹ ونود گوسوامی نے جاری اسکیموں پر وزیر موصوف کو ایک پرزنٹیشن دی اور مختلف محکموں سے متعلق درخشاں گائوں کے تحت کئی پروگرام بھی تجویز کئے۔