صحت اور خاندانی بہبود کے وزیر جگت پرکاش نڈّا نے کہا ہے کہ وزیر اعظم نریندر مودی کی بااثر قیادت کے تحت بھارتی صحت دیکھ بھال نظام سے متعلق بیانیہ تبدیل ہو رہا ہے۔ جناب نڈّا نے جھجّر کے ایمس کے نیشنل کینسر انسٹی ٹیوٹ،  NCI میں منعقدہ دوسرے ایمس اونکولوجی کانکلیو 2025 کے افتتاحی اجلاس کے دوران یہ بات کہی۔ جناب نڈّا نے زور دے کر کہا کہ NCI جیسے اداروں میں بون میرو کا ٹرانسپلانٹ اب ممکن ہے۔ جناب نڈّا نے اطلاع دی کہ آیوشمان آروگیہ مندروں میں اب تک 26 کروڑ لوگوں کی منہ کے کینسر، 14 کروڑ لوگوں کی چھاتی کے کینسر اور 9 کروڑ افراد کی بچّے دانی کے کینسر کی تشخیص کے لیے اسکریننگ ہوئی ہے۔×