صحت اور خاندانی بہبود کے مرکزی وزیر جگت پرکاش نڈّا نے آج نئی دلّی میں عالمی ذہنی صحت کے دن کے موقع پر کئی نئے اقدامات کی شروعات کی ہے، جن میں قومی، ٹیلی، ذہنی صحت پروگرام کا MANAS ٹیلی ایپ شامل ہے۔ MANAS ٹیلی ایپ میں اِس سے رابطہ کرنے کیلئے کئی زبانوں پر مشتمل یوزر انٹرفیس، اور لوگوں کیلئے چیٹ بوٹ کی سہولت کے ساتھ ساتھ ایمرجنسی کے دوران رہنمائی اور مدد حاصل کرنے کیلئے ایک ایمرجنسی ماڈیول بھی شامل ہے۔ یہ ایپ انگریزی اور ہندی زبانوں کے ساتھ ساتھ 10 علاقائی زبانوں میں دستیاب ہوگا۔