شہری ہوا بازی کے ڈائریکٹوریٹ جنرل DGCA نے ایئربس A320 کی جانب سے چلائی جا رہی تمام پروازوں کو اُس وقت تک فوراً روکنے کا حکم جاری کیا ہے، جب تک ایئرلائنز، حفاظت سے متعلق لازمی اصلاحات کا عمل مکمل نہیں کرلیتی۔ آج جاری کیے گئے اِس حکم نامے کے تحت ایئر بس A318, A319, A320 اور A321 جہازوں کا احاطہ کیا گیا ہے اور آپریٹروں سے یہ کہا گیا ہے کہ اُس وقت طیارے پرواز نہیں کریں گے، جب تک مجوزہ چیکنگ کا کام پورا نہ ہوجائے اور کمیوں کو دور نہ کرلیا جائے۔ DGCA کی جانب سے یہ حکم، اُس واقعے کے بعد جاری کیا گیا ہے، جس میں ایک طیارے A320، میں تابکاری کے ایک امکانی خطرے کا علم ہوا تھا اور جس کے سبب پرواز کو کنٹرول کرنے سے متعلق اہم ترین ڈاٹا کے کرپٹ ہوجانے کا خطرہ لاحق ہوگیا تھا۔
ملک میں اب یہ طیارے مختصر وقت کیلئے اُس وقت تک پرواز نہیں کریں گے، جب تک اُن میں سافٹ ویئر کی کمی کو دور نہ کرلیا جائے۔ یہ ایک ایسا عمل ہے، جس کے سبب پرواز میں کسی قسم کے رخنہ اندازی کا اندیشہ تھا۔اِدھر ایئر انڈیا نے ایک بیان جاری کیا ہے کہ اُس کے انجینئرز، سافٹ ویئر اور ہارڈ ویئر، دونوں کو پھر سے چست درست کرنے کے کام کو پورا کرنے کیلئے دن رات کام کر رہے ہیں۔ایئر بس کے سافٹ ویئر کو اپڈیٹ کرنے کیلئے دو سے تین دن لگیں گے۔