شہری ہوابازی کے ڈائریکٹوریٹ جنرل DGCA نے کہا ہے کہ ملک میں متاثرہ 338 طیاروں میں سے 270 طیاروں میں سافٹ ویئر اپگریڈیشن کا کام مکمل ہو گیا ہے۔ اِن میں انڈیگو، ایئر انڈیا اور ایئر انڈیا ایکسپریس کے طیارے شامل ہیں۔ باقی 68 طیاروں میں اپگریڈیشن کا کام جلد ہی مکمل کر لیا جائے گا۔ سافٹ ویئر اپگریڈیشن کا کام ڈائریکٹوریٹ کی جانب سے جاری ہدایت کے بعد کیا جا رہا ہے۔ ڈائریکٹوریٹ نے ایئر بس A320 طرز کے طیاروں کی پروازوں پر اُس وقت تک کیلئے فوری پابندی عائد کر دی تھی، جب تک کہ ایئر لائنس لازمی حفاظتی تبدیلی کا عمل مکمل نہیں کر لیتی ہیں۔ ایک نوٹیفکیشن میں DGCA نے آپریٹروں کو طیاروں کو اپڈیٹ کرنے کی ہدایت دی ہے۔ اس میں کہا گیا ہے کہ کوئی بھی طیارہ مطلوبہ حفاظتی معیارات پورے کیے بغیر سروس میں جاری نہیں رہنا چاہیے۔×