سڑک ٹرانسپورٹ اور شاہراہوں کے مرکزی وزیر نتن گڈکری نے کہا ہے کہ وزیر اعظم نریندر مودی نے سال 2070 تک بھارت کو کاربن اخراج سے پاک ملک بنانے کا نشانہ مقرر کیا ہے۔ پائیداریت سے متعلق 20 وِیں عالمی چوٹی کانفرنس سے کل نئی دلّی میں خطاب کرتے ہوئے جناب گڈکری نے کہا کہ ماحولیاتی تبدیلی اور گلوبل وارمنگ، مستقبل کی نسلوں کے لیے بڑا خطرہ ہے۔ جناب گڈکری نے مزید کہا کہ کسی بھی ملک یا سماج کے لیے اخلاقیات، معاشیات اور حیاتیات کے ساتھ ساتھ ماحولیات بھی نہایت اہمیت کا حامل ہوتا ہے۔