بھارت نے بھارتی فوج کیلئے بنائے گئے آکاش ہتھیار سسٹم کے اَپ گریڈیڈ ورژن، آکاش پرائم کے ذریعے لداخ میں بلندی پر پرواز کر رہے دو تیز رفتار غیر انسان بردار نشانوں کو کامیابی کے ساتھ تباہ کیا۔ یہ ہتھیار نظام ساڑھے چار ہزار میٹر سے زیادہ کی بلندی پر کام کرنے کے لحاظ سے تیار کیا گیا ہے اور دیسی ساخت سے تیار کردہ ریڈیو فریکوینسی Seeker جیسے جدید ترین اپ گریڈ سے لیس ہے۔ یہ حصولیابی اس لئے بھی اہم ہے کیونکہ یہ آپریشن سندور کے دوران سودیسی طرز پر تیار کردہ فضائی دفاعی نظام کی غیرمعمولی کارکردگی کے بعد ملی ہے۔ وزیر دفاع راجناتھ سنگھ نے اس اہم سنگ میل کو عبور کرنے پر بھارتی فوج، DRDO اور اس کی تیاری میں شامل صنعت کو مبارکباد دی ہے۔